Թալինում կկառուցվի երկհարկանի թանգարան՝ տաճարի ճարտարապետական լուծմամբ. Թալինի համայնքապետարան
· Թալին
Թալինը թանգարան է ունենալու։
Թալին համայնքում կառուցվելու է նոր թանգարան, որը դառնալու է Թալինի պատմամշակութային ժառանգությունը ներկայացնող կարևոր մշակութային կենտրոն։
Ծրագիրը կյանքի է կոչվում համայնքի ղեկավար Տավրոս Սափեյանի նախաձեռնությամբ՝ Թալինի համայնքապետարանի և Թալինի պատվավոր քաղաքացի, բարերար Տիգրան Սաֆարյանի համագործակցության արդյունքում։
Թալին քաղաքի հրապարակին հարակից՝ Շահումյան 2 հասցեում, կառուցվելու է երկհարկանի թանգարան՝ տաճարի ճարտարապետական լուծմամբ։
Այսօր Թալին համայնքի ղեկավար Տավրոս Սափեյանը և համայնքի ղեկավարի առաջին տեղակալ Սերգե Մկրտչյանն այցելեցին թանգարանի կառուցման համար նախատեսված տարածք և տեղում դիտարկեցին քանդման աշխատանքների ընթացքը։
Նախատեսվող թանգարանը նոր մշակութային կենտրոն կդառնա Թալինի համար՝ նպաստելով համայնքի պատմության, մշակույթի և ժառանգության պահպանմանն ու հանրահռչակմանը։