Ապարանում հոկտեմբերի 14-ին կցուցադրվի եզդիական համայնքին նվիրված «Զինակից քույրեր» ֆիլմը. Ապարանի համայնքապետարան
· Ապարան
ՀՈԿՏԵՄԲԵՐԻ 14-ԻՆ՝ ԺԱՄԸ 18:00-ԻՆ, Ապարան քաղաքի արվեստի դպրոցում կկայանա եզդիական համայնքին նվիրված «Զինակից քույրեր» ֆիլմի ցուցադրությունը՝ «ՏԱՆԻՔԸ՝ ՀԱՅԱՍՏԱՆ» ծրագրի
շրջանակում։
Մշակույթի զարգացման հիմնադրամը՝ ՀՀ կրթության, գիտության, մշակույթի և սպորտի նախարարության
աջակցությամբ, իրականացնում է «Տանիքը՝ Հայաստան» ծրագիրը, որի շրջանակում հոկտեմբերի 4-ից նոյեմբերի 4-ը Երևանում և Հայաստանի մի շարք մարզերում անցկացվում է Հայաստանի
Հանրապետությունում բնակվող ազգային փոքրամասնությունների մշակութային բազմազանությանը, ինքնությանը և համայնքային կյանքին նվիրված մեկամսյա կինոծրագիր։
Հոկտեմբերի 14-ի ցուցադրությունը նվիրված է Հայաստանում բնակվող եզդիական համայնքին։ Ծրագրի
շրջանակում կցուցադրվի ռեժիսոր Կարոլին Ֆուրեստի «Զինակից քույրեր» ֆիլմը։
Կինոծրագիրը ներառում է 12 ցուցադրություն՝ ծրագրի պաշտոնական բացման ֆիլմը և Հայաստանում բնակվող 11 ազգային փոքրամասնությունների համայնքներին նվիրված 11 ֆիլմ։
Ծրագրի նպատակն է կինոյի միջոցով ստեղծել մշակութային ճանաչողության և կրթության հարթակ, նպաստել ազգային փոքրամասնությունների մշակութային ժառանգության ճանաչելիությանը, տարբեր
համայնքների միջև երկխոսությանը և հասարակության ներսում փոխճանաչմանը։