Բացահայտիր Արագածոտնը- Աշտարակի պատմական հանրային բաղնիքը
· Աշտարակ
Աշտարակի ձորից դեպի Կարմրավոր եկեղեցի բարձրացող ճանապարհի աջ կողմում՝ ապառաժի տակ, հենց ճանապարհի եզրին է գտնվում 20-րդ դարի սկզբին կառուցված հետաքրքիր ու պատմական մի շինություն՝ Աշտարակի հանրային բաղնիքը:
19-րդ դարի վերջին և 20-րդ դարի սկզբին հանրային բաղնիքներ գործում էին Երևանում և Գյումրիում, սակայն Աշտարակում նման հաստատություն չկար:
Աշտարակեցի Զաքոյենց Արշակը որոշում է նմանատիպ բաղնիք կառուցել նաև Աշտարակում, որը կարճ ժամանակում դառնում է աշտարակցիների ամենասիրելի ու հաճախելի վայրերից մեկը:
Նարնջագույն սրբատաշ տուֆից կառուցված բաղնիքն ունի գմբեթավոր ծածկ, ընդհանուր սրահ և առանձնասենյակներ: Շինությունը ջեռուցվել է կողային բաց օջախի միջոցով, իսկ այն տաքացնելու համար փայտ են վառել: Այսօր պատմական շինությունը ենթարկվում է ռեստավրացիայի:
Տեղակայում՝ ՀՀ, Արագածոտնի մարզ, ք․ Աշտարակ
Կոորդինատներ՝ 40.29959, 44.36495
Լուսանկարը `Mihrvoyage. am- ի