Արագածավանում անցկացվել են հրդեհաշիջման ուսումնական գործնական դասընթացներ. Թալինի համայնքապետարան
Արագածավանի հրշեջ-փրկարարական կամավորական ջոկատը, համագործակցելով Հայկական կարմիր խաչի ֆրանսիական գործընկերների հետ, իրականացրել է հրդեհաշիջման ուսումնական գործնական դասընթացներ։
Այս մասին հայտնում են Թալինի համայնքապետարանից։
Դասընթացների ընթացքում մասնակիցները ծանոթացել են հրդեհների կանխարգելման, արտակարգ իրավիճակներում արագ արձագանքման և հրդեհաշիջման արդյունավետ մեթոդներին։
Գործնական պարապմունքների միջոցով ամրապնդվել են մասնակիցների հմտություններն ու պատրաստվածությունը՝ համայնքում հնարավոր արտակարգ իրավիճակներին առավել կազմակերպված արձագանքելու համար։