«Ֆեստիվառ»-ն ու Քաղաքի օրը՝ Թալինում. Թալինի համայնքապետարան

Թալինի համայնքապետարանը

տեղեկացնում է, որ հուլիսի 18-ին Թալին քաղաքում անցկացվելու են «Ֆեստիվառ» մշակութային-զբոսաշրջային փառատոնը և Թալին քաղաքի օրվան նվիրված միջոցառումները։

Միջոցառումների կազմակերպման աշխատանքներով պայմանավորված՝ երթևեկության կազմակերպման մեջ կլինեն հետևյալ ժամանակավոր փոփոխությունները․

Հուլիսի 14-ից մասնակի փակ կլինի Թալինի կենտրոնական հրապարակ մուտքը Գայի, Խանջյան և Սպանդարյան փողոցների կողմից

Հուլիսի 18-ին՝ ժամը 08:00-ից մինչև 00:00, փակ կլինի դեպի կենտրոնական հրապարակ մուտքը Սպանդարյան, Կոմիտաս, Խանջյան, Շահումյան և Գայի փողոցներից։

Հուլիսի 17-ին՝ ժամը 19:00-ից մինչև հուլիսի 19-ը՝ ժամը 08:00, փակ կլինի Խանջյան փողոցի՝ ոստիկանության խաչմերուկից մինչև կենտրոնական հրապարակ տանող ճանապարհահատվածը։

Ուշադրություն. Թալին–Երևան երթուղու ավտոբուսները կմեկնեն Թալինի ավտոկայանից։

Համայնքապետարանը բնակիչներին , խնդրում է նշված օրերին երթևեկել շրջանցող ճանապարհներով և պահպանել ճանապարհային երթևեկության կանոնները և հայցում է ձեր ներողամտությունը պատճառված ժամանակավոր անհարմարությունների համար։

Միաժամանակ,

Թալին համայնքի ղեկավար Տավրոս Սափեյանը ոլորտային պատասխանատուների հետ շրջայց է իրականացրել Թալին քաղաքում՝ ծանոթանալու «Ֆեստիվառ» մշակութային-զբոսաշրջային փառատոնի և Թալինի օրվան նվիրված միջոցառումների նախապատրաստական աշխատանքների ընթացքին։

Շրջայցի ընթացքում համայնքի ղեկավարը հետևել է կատարվող աշխատանքներին, գնահատել կազմակերպչական գործընթացները և պատասխանատուներին տվել համապատասխան հանձնարարականներ՝ բոլոր աշխատանքները սահմանված ժամկետներում և բարձր որակով ավարտելու նպատակով։

Նախապատրաստական աշխատանքները շարունակվում են, որպեսզի հուլիսի 18-ին Թալինը հյուրերին և բնակիչներին դիմավորի տոնական, անվտանգ և պատշաճ կազմակերպված պայմաններում։