Թալինում մեկնարկել է Կայուն էներգիայի շաբաթը՝ մանկապարտեզում իրականացված կրթական միջոցառմամբ. Թալինի համայնքապետարան
· Թալին
Թալին համայնքապետարանից հայտնում են, որ Թալին համայնքում արդեն մեկնարկել է Կայուն էներգիայի շաբաթը, և հերթական միջոցառումն այս անգամ իրականացվել է Աշնակի մանկապարտեզում՝ փոքրիկների ակտիվ մասնակցությամբ։
Միջոցառման շրջանակում անցկացվել է «Մաքուր մոլորակ» թեմայով իրազեկման հանդիպում, որտեղ դաստիարակչական անձնակազմը երեխաների հետ խաղային և հարցուպատասխանի ձևաչափով քննարկել է՝
ինչ է մաքուր մոլորակը և ինչպես կարող ենք միասին պահպանել այն։
Այնուհետև կազմակերպվել է տեսակավորման մրցույթ, որի ընթացքում փոքրիկները պատրաստել են թղթե աղբամաններ և մասնակցել խաղային մրցույթի՝ սովորելով ճիշտ տարբերակել և տեղադրել աղբը համապատասխան աղբամաններում։
Այսպիսի նախաձեռնությունները ոչ միայն կրթում են, այլև ձևավորում են պատասխանատու և գիտակից վերաբերմունք շրջակա միջավայրի նկատմամբ դեռ վաղ տարիքից։
Միջոցառումն իրականացվել է Քաղաքապետերի դաշնագիր՝ Արևելք նախաձեռնության շրջանակում անցկացվող Կայուն էներգիայի շաբաթվա շրջանակում։