Բացահայտիր Արագածոտնը-Աղձքի պատմամշակութային արգելոց
Աղձքի պատմամշակութային արգելոց-թանգարանը Հայաստանի հնագույն հուշարձանախմբերից է, որն անմիջականորեն կապված է հայոց պետականության և Արշակունյաց թագավորական տոհմին։
Արգելոց-թանգարանն իր մեջ ներառում է մի քանի կարևորագույն պատմական շերտեր։
Արշակունյաց թագավորների դամբարանը (IV դար)
թանգարանի կենտրոնական և ամենանշանակալի մասն է։
Այն կիսագետնափոր կառույց է, որտեղ տանող աստիճանները բացվել են պեղումների ժամանակ։
Դամբարանն ունի խաչաձև հատակագիծ և կառուցված է տուֆի խոշոր սալերով։
Դամբարանի վերնամասում ժամանակին եղել է երկհարկանի մատուռ (այժմ պահպանվել են միայն հիմքերը), որտեղ կատարվել են հոգեհանգստի արարողություններ։
Հնագիտական պեղումների արդյունքում այստեղ հայտնաբերվել են նաև 4-րդ դարի եռանավ բազիլիկ եկեղեցու հիմքերը, որը համարվում է Հայաստանի հնագույն քրիստոնեական տաճարներից մեկը, ինչպես նաև հնգաստիճան պատվանդանով վերգետնյա կառույցի մնացորդներ։
Թանգարանի տարածքում պահպանված հարթաքանդակները համարվում են վաղ քրիստոնեական հայկական արվեստի գլուխգործոցներ։
2022 թվականի մայիսի 26-ի կառավարության որոշմամբ այս տարածքը ստացել է պատմամշակութային արգելոցի կարգավիճակ՝ զբաղեցնելով 0.17804 հեկտար տարածք։
Այսօր թանգարանը բաց է հետազոտողների և զբոսաշրջիկների համար՝ հանդիսանալով Արագածոտնի մարզի ամենակարևոր «կենդանի պատմության» կետերից մեկը։