Բացահայտիր Արագածոտնը-«Կզու աղջիկ» մատուռ
«Կզու աղջիկ» մատուռը պատմամշակութային հուշարձան է, որը ներառված է Հայաստանի պատմության և մշակույթի անշարժ հուշարձանների պետական ցուցակում:
Այս սրբատեղին աչքի է ընկնում իր պատմական մեծ արժեքով ու հարուստ հոգևոր ժառանգությամբ:
Մատուռի տարածքում պահպանվել են մի քանի բացառիկ պատմական կոթողներ. դրանց թվում են 5-6-րդ դարերով թվագրվող կոթողը, 10-11-րդ դարերի խաչքարը, ինչպես նաև 14-15-րդ դարերի խաչքարը:
Սրբավայրի տարածքը բարեկարգված է, դեպի մատուռ են տանում քարե աստիճանները, իսկ շրջակայքում տեղադրված են գեղեցիկ քանդակազարդ խաչքարեր ու հուշաքարեր:
Տեղակայում՝ Հայաստանի Հանրապետություն, Արագածոտնի մարզ, Մեծաձոր գյուղ:
Կոորդինատներ՝ 40.4378° N, 44.1464° E