Բացահայտիր Արագածոտնը-Միրաքի լիճ (Հալավարի ջրամբար)

Միրաքի լիճը, որը հայտնի է նաև որպես Հալավարի ջրամբար, գտնվում է Հայաստանում։

Այն կառուցված է Հալավար գետի վրա և շահագործման է հանձնվել 1981 թվականին։ Ջրամբարի մակերեսը կազմում է 0,46 կմ², միջին խորությունը՝ 8 մետր, իսկ ջրատարողությունը՝ 5,5 միլիոն մ³։

Հոսքի կարգավորումն ունի սեզոնային բնույթ։

Պատվարը հողային է՝ ավազակավային միջուկով, որի երկարությունը 255 մետր է, իսկ առավելագույն բարձրությունը՝ 32 մետր։

Ջուրը բաց է թողնվում մետաղական խողովակաշարի միջոցով, և քանի որ ոռոգվող հողատարածություններն ավելի բարձր են, պատվարի մոտ կառուցված է ջրհան կայան։

Ջրամբարի թասի երկրաբանական անբարենպաստ պայմանների պատճառով տեղի է ունենում ջրի զգալի կորուստ։

Այս վայրն առանձնանում է շրջակա կանաչով, խորը լռությամբ ու խաղաղությամբ։

Տեղակայում՝ Հայաստան, Արագածոտնի մարզ, Ծաղկահովիտ գյուղից 8 կմ արևելք, մոտ 2030 մ բարձրության վրա։

Կոորդինատներ․ 40.654083, 44.330333

Լուսանկարը`Ագնեսա Սահակյանի