Բացահայտիր Արագածոտնը-Ժայռափոր մատուռ-սրբատեղի Շղարշիկ գյուղում
Հայաստանի լեռնաշխարհը հարուստ է ժայռափոր ու բնական խորշերում տեղադրված ժողովրդական սրբատեղիներով, որոնք դարեր շարունակ ծառայել են որպես աղոթքի, հավատքի և հոգևոր ապաստանի վայրեր։ Այդպիսի յուրօրինակ սրբավայրերից է Արագածոտնի մարզի Թալին համայնքի Շղարշիկ գյուղի տարածքում գտնվում բնական ժայռախորշ-մատուռը։
Այս սրբատեղին առանձնանում է նրանով, որ դասական ճարտարապետական կառույց չէ, այլ ձևավորվել է բնության կերտած քարանձավային խոռոչում։ Ժայռի բնական պատսպարանը տեղացիների կողմից վերածվել է աղոթատեղիի, որտեղ ամփոփված են տարբեր ժամանակներում ուխտավորների կողմից բերված սրբապատկերներ, խաչեր և հոգևոր խորհրդանիշեր։
Շղարշիկի այս մատուռը վառ օրինակ է , թե ինչպես է ժողովրդական հավատքը պահպանում ու շարունակում սրբազան տարածքների ավանդույթը։
Տեղակայումը. ՀՀ, Արագածոտնի մարզ, Թալին համայնք, Շղարշիկ գյուղ
Կոորդինատները
40.3842° N, 43.9185° E
Լուսանկարը `Արի Թալին ֆեյսբուքյան էջից