Ալագյազի մինի ֆուտբոլի դաշտը բարեկարգվել և լուսավորվել է. Ալագյազի համայնքապետարան
· Ալագյազ
Ալագյազ համայնքի ղեկավար Ջասմ Մախմուդովի գլխավորությամբ համայնքապետարանի աշխատակազմն այցելել է Ալագյազ բնակավայրի մինի ֆուտբոլի դաշտ։
2019 թվականին Հայաստանի ֆուտբոլի ֆեդերացիայի և Ալագյազ համայնքի համատեղ միջոցներով կառուցված արհեստական խոտածածկով մարզադաշտն այսօր ամբողջությամբ նորացվել է։
Ներկվել և վերանորոգվել է դաշտի ցանկապատը։
Տեղադրվել է ժամանակակից LED գիշերային լուսավորության համակարգ, որը հնարավորություն է տալիս մարզվել նաև երեկոյան ժամերին։
Բարեկարգ, հարմարավետ և լուսավոր մարզական միջավայրի ստեղծումը կնպաստի համայնքում սպորտի զարգացմանը, երեխաների ու երիտասարդների ակտիվ առօրյային և առողջ ապրելակերպի խթանմանը։